يا جماعة، الحرب سخنت 🔥! الموبايلات اللي بتتصنف "Flagship Killer" بقت تريند جامد في 2025، وكل شركة عايزة تثبت إنها بتديك أقوى عتاد بأحلى سعر. النهارده هنقارن بين 3 وحوش جداد: Samsung Galaxy S24 FE، و HONOR 400 Pro، و Realme GT 7.
السؤال اللي كلنا بنفكر فيه: "أشتري مين فيهم؟!" 🤔 خلينا ندخل في التفاصيل واحدة واحدة، ونشوف كل واحد عامل إيه في الملعب.
🎨 التصميم – مين أشياك واحد فيهم؟
لو إنت من الناس اللي بيهمها الشكل قبل أي حاجة، تعالى نبص:
-
Realme GT 7: النسخة اللي جربناها كانت باللون الأخضر الزرعي 🌿، شكلها جامد جدًا وتحسها طالعة من سباق سيارات 🏎️. بس النسخة العادية أهدى وأشيك لو مش بتحب الحركات دي. الظهر معمول من الجرافيين اللي بيساعد على التبريد، بس للأسف ملمسو بلاستيك أكتر من إنه خامة فخمة. كمان الفريم بلاستيك.
-
HONOR 400 Pro: هنا بقى عندنا ضهر زجاجي فخم ✨، والفريم بلاستيك برضو. المميز فيه إنه منحني من كل الجهات، فبيديك إحساس إنك ماسك موبايل بريميوم بجد.
-
Galaxy S24 FE: سامسونج لعبتها خامات 👑. ضهر زجاج × فريم معدني فاخر، تحسه ماسك موبايل من الفئة الرائدة بجد.
الوزن بقى: كله حوالي 200 جرام، بس سامسونج أتقلهم بوزن 213 جرام. أما في الأبعاد، هونر أصغر شوية، ودي نقطة تحسبله لو بتحب الموبايلات اللي مش ضخمة قوي.
وطبعًا من ناحية مقاومة المية: ريلمي وهونر معتمدين بـIP68/IP69، بينما سامسونج مكتفي بـIP68.
📺 الشاشة – العين عايزة تشوف!
الشاشة هي أكتر حاجة بتتعامل معاها يوميًا، وهنا المعركة قوية جدًا 👀:
-
Realme GT 7: شاشة ضخمة 6.78 بوصة، LTPO AMOLED، بدقة 1.5K، وبتدعم HDR10+. معدل التعتيم 2160 هرتز.
-
HONOR 400 Pro: شاشة 6.7 بوصة AMOLED، بدقة 1.5K، وأفضل معدل تعتيم بينهم (3840 هرتز) 👏.
-
Galaxy S24 FE: شاشة 6.7 بوصة Dynamic AMOLED 2X، بدقة FHD+، HDR10+ برضو. الألوان تحفة 😍 بس الحواف كبيرة شوية وبتفكرنا بموبايلات أقل زي A56.
بالنسبة للسطوع 🌞: هونر الأعلى، بعديه ريلمي، وسامسونج آخرهم. الفروقات مش كبيرة، بس تحت الشمس المباشرة هتلاحظ فرق بسيط.
وطبقات الحماية:
-
ريلمي بـ Gorilla Glass 7i.
-
سامسونج بـ Victus+ الأقوى.
-
هونر؟ لحد دلوقتي مفيش إعلان رسمي.
🚀 الأداء – الوحش اللي جوا الموبايل
الموضوع هنا بقى للـGamers 🎮 وللي بيحبوا السرعة:
-
Realme GT 7: معالج Dimensity 9400e مع UFS 4.0. جبار حرفيًا! 💪 والأداء تحت الضغط ممتاز، سخونة قليلة جدًا.
-
HONOR 400 Pro: معالج Snapdragon 8 Gen 3. أداء قوي جدًا، أقل شوية من ريلمي، بس برضو يديك ثبات في الألعاب.
-
Galaxy S24 FE: معالج Exynos 2400e مع UFS 3.1. أضعف واحد في الثلاثة، وسخنته أعلى.
في PUBG:
-
هونر وريلمي بيوصلوا 120 فريم ✅.
-
سامسونج واقف عند 90 فريم ❌.
🔐 عوامل الأمان – السرعة تفرق
كلهم عندهم بصمة تحت الشاشة.
-
ريلمي وهونر: سريعة جدًا ⚡.
-
سامسونج: لسه متأخر شوية في البصمة 👎.
وفيه NFC، Always On Display، سماعات ستيريو 🎵، ومافيش منفذ 3.5 ملم كالعادة.
المستشعرات؟ ريلمي متفوق، بعده هونر، وسامسونج أضعف واحد. نفس الموضوع في الشبكات.
🔋 البطارية – الشحن أسرع من القهوة ☕
-
Realme GT 7: بطارية عملاقة 7000 مللي أمبير + شاحن 120 واط يشحن في 35 دقيقة فقط ⚡.
-
HONOR 400 Pro: بطارية 6000 مللي أمبير + شاحن 100 واط يشحن في 45 دقيقة.
-
Galaxy S24 FE: بطارية 4700 مللي أمبير + شاحن 25 واط فقط، وكمان مش موجود في العلبة 😅. وقت الشحن حوالي 70 دقيقة.
📸 الكاميرات – صور ولا في الخيال 📷✨
-
العدسة الأساسية:
-
سامسونج وريلمي: 50 ميجا بيكسل.
-
هونر: 200 ميجا بيكسل! 😱
-
-
Telephoto:
-
هونر وريلمي: 50 ميجا.
-
سامسونج: 8 ميجا بس.
-
-
السيلفي:
-
هونر: 50 ميجا.
-
ريلمي: 32 ميجا.
-
سامسونج: 10 ميجا.
-
في الزووم:
-
هونر يتفوق بـ50X.
-
سامسونج 30X.
-
ريلمي 20X.
الفيديو:
-
هونر وسامسونج بيدعمو 8K.
-
ريلمي واقف عند 4K.
💰 الأسعار في مصر
-
HONOR 400 Pro:
نسخة 512/12 = 34700 جنيه ضمان محلي. -
Galaxy S24 FE:
نسخة 256/8 = 33500 جنيه.
نسخة 512/8 = 36500 جنيه. -
Realme GT 7:
نسخة 512/12 = 39000 جنيه، بس بضمان دولي فقط.
🏆 الرأي النهائي – تشتري مين؟!
لو عايز أفضل أداء وسرعة وبطارية جبارة → ريلمي GT 7 هو الوحش الحقيقي 🦾.
لو بتحب الكاميرات والزوم والخامات مع شحن قوي → هونر 400 برو خيار ممتاز 🔥.
لو عايز خامه فخمة وتجربة سوفت وير مستقرة ودعم DeX → جالاكسي S24 FE هو اختيارك 👑.
