لو إنت جيمر جامد وبتدور على موبايل يشيل معاك أقوى الألعاب من غير ما يهنج ولا يجيب آخرو، يبقى لازم تبص على Poco X7 Pro. الموبايل ده عامل دوشة كبيرة في الفئة المتوسطة وناس كتير بتقول إنه "أقوى موبايل للألعاب بالسعر ده". تعالوا بقى نغوص سوا في تفاصيل الوحش ده ونشوف هل هو فعلاً يستاهل كل الكلام ده ولا لأ! 😉
التصميم – أول انطباع بيفرق 👀✨
بصراحة، أول ما تمسك الموبايل هتحس إن شاومي عايزة تديك ستايل مختلف. ظهر الموبايل متقسم نصين، لون فاتح مع لون أسود، حواليهم لمسات دهبي حوالين الكاميرا وكلمة "POCO" وكمان زرار الباور. 👌
الخامات؟ الموبايل معمول من سيليكون بوليمر بملمس جلد، وده بيديله إحساس بريميوم شوية. الإطار بلاستيك مسطح، ووزنه حوالي 198 جرام مع سُمك 8.5 مللي. وده معناه إنه خفيف نسبياً ومش هيتعبك في إيدك.
كمان في العلبة هتلاقي جراب رمادي شيك. والمفاجأة 👏 إن الموبايل مقاوم للمية والتراب بشهادة IP68. يعني لو وقع عليه شوية ميه أو غبار متقلقش.
الشاشة – متعة العين قبل متعة اللعب 👓🎬
لو إنت من الناس اللي بتحب الشاشات القوية، فـ Poco X7 Pro مش هخيّب ظنك. الشاشة AMOLED مقاس 6.67 بوصة، دقتها 1.5K، وترددها 120Hz. 👌 يعني هتاخد سلاسة رهيبة في التنقل والألعاب.
كمان الشاشة 12 بت وبتعرض أكتر من 68 مليار لون 😍، مع دعم HDR10+ و Dolby Vision. وده بيخليها ممتازة جداً للألعاب والأفلام، بس بصراحة مش أقوى شاشة في الفئة دي. يعني ألوانها حلوة، بس سامسونج لسه متفوقة سنة بسيطة.
سطوعها بيوصل لـ 1250 شمعة تحت الشمس، وده بيخليك تشوفها بوضوح حتى في عز النهار. وكمان عليها طبقة حماية Gorilla Glass Victus 7i + لاصقة حماية جاهزة من المصنع. ✨
الأداء – هنا السحر كله 🎮🚀
هنا بقى نخش على النقطة اللي هتخلي الجيمرز يطيروا من الفرحة. الموبايل جاي بمعالج MediaTek Dimensity 8400 القوي جداً. ومعاه ذاكرة UFS 4.0 بسرعة خرافية، ومساحة تخزين 512 جيجا، ورام 12 جيجا (وقابلة للزيادة 12 جيجا كمان بالسوفت). 👏
اختبرناه على برامج البنشمارك وطلع بنتايج أعلى من أي موبايل تاني في نفس الفئة السعرية. والأجمد من كده إنك تقدر تلعب PUBG على 120 فريم في الثانية من غير تقطيع 😱🔥.
بس خليني أكون صريح: واجهة شاومي HyperOS 2.0 مش الأسرع ولا الأحسن مقارنة بواجهات سامسونج أو أوبو. وبرضه الموبايل بيسخن أكتر من الطبيعي مع الجيمز، وده بسبب إن نظام التبريد مش أحسن حاجة. لو جبت النسخة البلاستيك السخونة أقل شوية.
عوامل الأمان والمزايا الإضافية 🔐📲
بصمة الإصبع موجودة تحت الشاشة وأدائها ممتاز وسريع جداً. كمان فيه فتح بالوجه. 👍
الهاتف بيدعم NFC، وميزة Always On Display، ومستشعر IR Blaster للتحكم في الأجهزة الكهربائية 👏. بس للأسف مستشعر التقارب هنا سوفت وير مش حقيقي.
الصوت Stereo عالي ونقي من غير مشاكل، لكن مفيش مدخل سماعات 3.5 مللي (وده طبيعي عشان مقاومة المية). وبييجي مع مايك إضافي لعزل الضوضاء. شبكات الموبايل والـ WiFi ممتازين جداً.
البطارية – وحش ولا عادي؟ 🔋⚡
الموبايل جاي ببطارية 6000 مللي أمبير، المفروض رقم ضخم، بس للأسف الاستهلاك مش متناسب قوي. هتاخد حوالي 7 ساعات شاشة مفتوحة. السبب إن المعالج بيستهلك كتير.
بس في نقطة قوية هنا 👏: الشحن السريع 90 وات! والشاحن موجود في العلبة. الموبايل بيتشحن من 0% لـ 100% في حوالي 45 دقيقة. بس لازم تستخدم الشاحن الأصلي عشان تاخد السرعة الكاملة.
الكاميرات – مش للناس اللي بتحب السيلفي 😅📸
الكاميرا الخلفية الأساسية 50 ميجا بيكسل بفتحة عدسة واسعة F/1.5 ومعاها مثبت بصري. ومعاها عدسة Ultra Wide بدقة 8 ميجا. والـ Selfie 20 ميجا.
الكاميرا الخلفية أداؤها كويس جداً، الصور واضحة والمعالجة حلوة والـ Dynamic Range ممتاز. بس برضه مش أقوى عدسة في السوق. مناسبة للاستخدام اليومي بس مش للناس اللي بتحب التفاصيل الدقيقة.
المشكلة الكبيرة بقى في كاميرا السيلفي 😬. أداؤها ضعيف شوية ومش مناسب للناس اللي بتحب صور السوشيال ميديا القوية. أما تصوير الفيديو بيوصل لـ 4K مع 30fps بدعم Dolby Vision أو 60fps من غير Dolby. والسيلفي فيديو 1080p بس.
السعر – هنا المفاجأة 💰🔥
-
السعر العالمي: 325 دولار للنسخة 512/12
-
السعر في مصر (ضمان دولي): حوالي 16500 جنيه + 3400 ضريبة.
الموبايل بيدعم تركيب شريحتين 5G، لكن مفيش مكان لكارت ميموري، ومش بيدعم eSIM.
الرأي النهائي – هل يستاهل تشتريه؟ 🤔✅
بصراحة، لو إنت جيمر وعايز موبايل يشيل أقوى ألعاب بأعلى أداء ممكن في الفئة المتوسطة، يبقى Poco X7 Pro اختيار مثالي 👌. هيقدملك تجربة ألعاب فوق الممتازة بسعر مناسب.
لكن لو أولوياتك الكاميرات (خصوصاً السيلفي 📸)، أو شاشة أقوى، أو بطارية أفضل، أو حتى نظام تشغيل أنعم، يبقى ممكن تبص على بدائل زي Galaxy A56.
باختصار:
-
لو إنت جيمر محترف 👉 خده وانت مغمض.
-
لو إنت بتحب السيلفي والفيديوهات 👉 دور على بديل تاني